الفن هو وسيلة هروبي, الطبطبة على الضهر من صديق لما بتكون بتعيط او حد بيدندن عشان تنام. الفن مش بس انك تمسك فرشاة و تلون بالأزرق على لوحة. انا بشوف ان الفن هو ملاحظة اللي مبتلاحظوش دايماَ. زي لما بتبقى حزين, يا بتلون حاجة انت بس اللي فاهمها بلون غامق أو تلون اللي عايزه, لوحة ملونة. الفن هو انك تلاحظ الست اللي في خلفية صورة وتسيب افكارك توديك لحياتها كانت بتفكر في ايه في اللحظة دي وازاي مكنتش تعرف انها بتتصور. زي انك تقرأ حاجة مكتوبة واخيرا تفهم معناها عشان انت دلوقتي عارف الاحساس ده.
